Monday 26 January 2015

കേരള 'സുന്നി'കളും സുന്നത്ത് ജമാഅത്തും തമ്മിലുള്ള വ്യത്യാസങ്ങള്‍ No.14

ഖബര്‍ ആഘോഷ സ്ഥലമാക്കാം


കേരള 'സുന്നി'കള്‍ പറയുന്നു: "മരണപ്പെട്ടു കിടക്കുന്ന മഹാത്മാവിന്‍റ ആണ്ട് ആഘോഷിക്കുകയാണ് യഥാര്‍ത്ഥത്തില്‍ നേര്‍ച്ചയെന്ന് എത്ര പേര്‍ക്കറിയാം. നേര്‍ച്ചസ്ഥലത്ത് ഇങ്ങനെയൊരു മഹാത്മാവ് മറപ്പെട്ടു കിടക്കുന്നത് തന്നെ ഇന്നത്തെ യുവതലമുറ അറിയണമെന്നില്ല." (സെന്‍സിംഗ്. 1996  ഡിസംബര്‍)

എന്നാല്‍ സുന്നത്ത് ജമാഅത്ത് എന്ത് പറയുന്നു: മുസ്ലീമായ ഒരാള്‍ മരിച്ചതിന് ആഘോഷം കൊണ്ടാടുന്നത് നീചമായ പ്രവര്‍ത്തിയാണ്. ഖബര്‍സ്ഥാന്‍ ഉത്സവപ്പറമ്പാക്കുന്ന ഏര്‍പ്പാട് നബി(സ)യും നബി(സ)യും അവിടത്തെ സഹാബത്തും പഠിപ്പിച്ചിട്ടില്ല. നബി(സ) പറഞ്ഞു: "എന്‍റെ ഖബര്‍ നിങ്ങള്‍ ആഘോഷ സ്ഥലമാക്കരുത്." (അബൂദാവൂദ്) 

സുന്നത്ത് ജമാഅത്തിന് നിരക്കുന്നതല്ല മരണം ആഘോഷിക്കുന്നതെന്ന യാഥാര്‍ത്ഥ്യം  'കേരളാ സുന്നികളും' അംഗീകരിക്കേണ്ടി വരുന്നു: "സാധാരണ മരണം ഒരു ദുഖ സംഭവമാണ്.എല്ലാവരും എന്നെങ്കിലും മരിക്കും. എന്ന് വച്ച് മരണം ആരും ആഘോഷിക്കാറില്ല." (സുന്നി അഫ്കാര്‍. 2005,  ആഗസ്റ്റ്‌.17)  "നബി(സ)യുടെ വഫാത്ത് നമുക്ക് ഏറ്റവും വലിയ മുസ്വീ ബത്തുമാണ്.(അല്‍ബഹ്ജത്തുസ്സനിയ്യ. പേജ് 16)